گوجرانوالہ۔ 04 فروری (اے پی پی):وفاقی وزیر توانائی انجینئر خرم دستگیر خان آکھیے 57کروڑ روپے دی لاگت نال تعمیر تھیوݨ آلے 132کے وی دولت نگر گرڈ اسٹیشن اتے فیڈنگ ٹرانسمیشن لائن دی تعمیر توں علاقے اچ ترقی و خوشحالی دا نواں باب کھلسی ،خطیر رقم دی سرمایہ کاری توں تعمیر تھیوݨ آلے ایں گرڈ اسٹیشن توں ناصرف اہل علاقہ کوں بہتر وولٹیج دے نال معیاری بجلی میسر ہوسی بلکہ گیپکو کوں لائن لاسزاچ کمی دی وجہ توں کروڑاں روپے دی بچت وی ہوسی۔اِے ڳالھ انہاں 132کے وی دولت نگر گرڈ اسٹیشن تے فیڈنگ ٹرانسمیشن لائن دی تکمیل دی افتتاحی تقریب توں خطاب کریندے ہوئیں آکھی ۔ ایں موقع تے چیف ایگزیکٹو گیپکوانجینئر محمد ایوب، چیئرمین بی او ڈی محمد شعیب بٹ، نوابزادہ غضنفر گل تے ٻئیں خطاب کیتا ۔وفاقی وزیر آکھیے گیپکودے بجلی دے نظام کوں مکمل طور تے اَپ گریڈ کرݨ دے مشن تے عمل پیرا ہن تے ایں سلسلے اچ ریجن بھر اچ گرڈ اسٹیشناں دی تعمیر و اَپ گریڈیشن دے ٻہوں سارے منصوبیں تے کم تکھے جاری اے ۔ انہاں آکھیے 132کے وی دولت نگرگرڈ اسٹیشن دی تعمیر توں مالی فیدے دے علاوہ ایں علاقے دی معاشی و معاشرتی حالت اچ وی خاطر خواہ بہتری آسی ۔
