اسلام آباد۔8مئی(اے پی پی) نائب وزیراعظم اتے وزیر خارجہ سینیٹر اسحاق ڈار تے ازبکستان دے وزیر خارجہ بختیار سیدوف دی دفتر خارجہ اچ ون آن ون ملاقات تھئی اے۔ دفتر خارجہ توں جاری بیان موجب نائب وزیراعظم سینیٹر اسحاق ڈار بختیار سیدوف کوں پاکستان آوݨ تے خوش آمدید آکھیے ۔ ایں موقع تے نائب وزیراعظم اتے وزیر خارجہ سینیٹر اسحاق ڈار آکھیے جو ݙوہیں ملکاں وچال تکڑے دوستانہ تعلقات ہن۔ انہاں آکھیے پاکستان ازبکستان ںال تجارت ، اقتصادی میدان سودھے مختلف شعبیں اچ تعلقات ودھاوݨ چاہندے ۔ ازبکستان دے وزیر خارجہ بختیار سیدوف ایں موقع تے ڳالھ مہاڑ کریندے ہوئیں آکھیے پاکستان آتے ٻہوں خوشی تھئی اے ، پاکستان اساں کیتے ݙوجھے گھر وانڳوں اے ۔ ازبک وزیر خارجہ آکھیے جو پاکستان نال تعلقات کوں ٻہوں اہمیت ݙیندوں ۔
