اسلام آباد۔12ستمبر (اے پی پی):پاک فوج، رینجرز اتے سول اداریں وختی کارروائی کریندے ہوئیں دادو گرڈ سٹیشن کوں ٻݙݨ توں بچا ڳھدا ، 36گھنٹے اچ مسلسل کم دے بعد2.4کلومیٹر پروٹیکشن بند بݨایا ڳئے۔ایں بند دے نتیجے اچ دادو گرڈ سٹیشن سیلابی ریلے توں محفوظ رہیا۔ گرڈ سٹیشن دے اِرد گرد بند بݨاوݨ توں نہ صرف اے گرڈ محفوظ رہیا بلکہ علاقے کوں بجلی دی فراہمی وی منقطع نی تھئی ۔ پاکستان آرمی تے انجینئرز کور اپݨے وسائل کوں بروئے کارگھن آندے ہوئیں اے کامیابی حاصل کیتی ۔ علاقہ دے لوکاں پاک فوج دا شکریہ ادا کیتے۔
