اسلام آباد۔28جولائی (اے پی پی) صدر مملکت ڈاکٹر عارف علوی آکھیا جو ہیپاٹائٹس دی روک تھام کیتے خون دی محفوظ منتقلی یقینی ٻݨاوݨ دی لوڑھ اے۔ ایوان صدر دے پریس ونگ دے مطابق صدر مملکت دے ڳالھیں انہاں ہیپاٹائٹس دے جڳ ݙیھاڑ دے موقع تے آپݨے سنیھے اچ آکھی۔ انہاں آکھیا جو ہیپاٹائٹس صحت عامہ کیتے عالمی خطرہ دے نال بیماری اتے اموات دا باعث اے۔ عالمی یوم ِ ہیپاٹائٹس تے اساکوں قیمتی جاناں بچاوݨ کیتے جلدی تشخیص اتے علاج بارے آگاہی ݙیوݨ دی لوڑھ اے۔ صدرمملکت آکھیا جو ہر 30 سیکنڈ اچ ہک بندہ ہیپاٹائٹس دی بیماری پاروں مر ویندے۔ اندازے دے مطابق ہر 13 بالغ پاکستانیاں اچوں ہک ہیپاٹائٹس دا شکار اے۔ صدرآکھیا جو 97 لکھ توں ودھ لوک ہیپاٹاٹئٹس نال جیندے پئن۔ ہر سال تقریباً 27 ہزار بندے ہیپاٹائٹس دی پیچیدگیاں پاروں مر ویندن۔ ہیپاٹائٹس دی روک تھام کیتے خون دی محفوظ منتقلی یقینی ٻݨاوݨ دی لوڑھ اے۔
