اسلام آباد۔28جنوری (اے پی پی):پاکستان تحریک انصاف دے سیکرٹری جنرل تے وفاقی وزیر منصوبہ بندی، ترقی ، اصلاحات وخصوصی اقدامات اسد عمر بلوچستان دے ضلع کیچ اچ فوجی چوکی تے دہشتگرد دے حملے دی شدید مذمت کیتی اے ۔ پی ٹی آئی دے مرکزی میڈیا ڈیپارٹمنٹ توں جاری بیان موجب اسد عمر حملے دے نتیجے اچ جواناں دی شہادتاں تے ݙکھ تے افسوس دا اظہار کریندے ہوئیں آکھیے جو قوم شہادت پاوݨ آلے آپݨے بہادر سپوتاں کوں سلام پیش کریندی اے ، ساݙے نینگراں قوم دی تائید اتے اللہ دی نصرت توں ملک اچ امن دی شمع روشن کیتی اے ۔ انہاں آکھیے جو بزدل، سفاک اتے کینہ پرور دشمن اپݨے شرانگیزیاں توں چراغِ امن وسماوݨ چاہندے۔
