اسلام آباد۔4جنوری (اے پی پی)وفاقی وزیر منصوبہ بندی ، ترقی تے اصلاحات و خصوصی اقدامات پروفیسر احسن اقبال آکھیا جو معیشت دی بہتری کیتے رَل تے کم کرݨا پوسی۔ حکومت دی توانائی دی بچت پالیسی تے عمل کریندیں ہوئیں غیر ضروری خرچے روکݨے پوسن۔ معیشت دی چنڳائی کیتے اقدامات کرݨ دی لوڑھ اے۔ گزریل حکومت فنڈز جاری کرݨ توں انکار کیتا ہئی جئیں اپروں منصوبے پورے نی تھیے اتے لاگت ودھ ڳی۔ ملازماں کوں بہتر کارکردگی تے ایوارڈ ݙیوݨ دا مقصد انہاں دی کارکردگی کوں منݨ اے۔ اے ڳالھیں انہاں بدھ کوں وزارت منصوبہ بندی تے ترقی دے بہتر کارکردگی آلے ملازماں کوں سنداں دی تقسیم دی تقریب توں خطاب کریندیں ہوئیں آکھی۔ انہاں آکھیا جو اوکھے حالات دے باوجود معیشت کوں اڳوں ڳھن تے ویندے پیوں، 2018 دے مقابلے ترقیاتی بجٹ ادھا تھی ڳے۔ایں موقع تے سیکرٹری وزارت منصوبہ، بندی سید ظفر علی شاہ ایوارڈ یافتگان کوں مبارخ ݙتی۔
.jpg)
