اسلام آباد۔21مئی (اے پی پی):وفاقی وزیر تعلیم و پیشہ وارانہ تربیت رانا تنویر حسین چیئرمین پی اے سی دے عہدے توں استعفیٰ ݙے ݙتے ، قومی اسمبلی اچ نویں قائد حزب اختلاف راجہ ریاض احمد نویں چیئرمین پی اے سی ہوسن ۔ قومی اسمبلی سیکرٹریٹ دے ذرائع موجب سابق چیئرمین پی اے سی رانا تنویر حسین وزارت تعلیم دا قلمدان سنبھالݨ دے بعد چیئرمین پی اے سی دی حیثیت توں اپݨا استعفیٰ قومی اسمبلی سیکرٹریٹ اچ جمع کرائے تاں جو حسب روایت نویں چیئرمین پی اے سی دی نامزدگی حزب اختلاف نال کیتی ونڄے ۔ گزریل ݙینھ راجہ ریاض احمد کوں قومی اسمبلی اچ نواں قائد حزب اختلاف مقرر کیتا ڳئے ۔ راجہ ریاض احمد پبلک اکائونٹس کمیٹی دی ھک ذیلی کمیٹی کوں چیئر کریندے رہیے تے او پبلک اکائونٹس کمیٹی دے معاملات تے دسترس وی رکھیندن ۔ ممکنہ طور تے راجہ ریاض احمد ہی نویں چیئرمین پی اے سی ہوسن ۔
.jpg)
