اسلام آباد۔30دسمبر (اے پی پی) وزارت مذہبی امور آکھیا جو سرکاری سکیم دے عازمین حج 2 جنوری توں پہلے آپݨا حج پیکیج، روانگی دی ڄاہ، قربانی دے آپشن بدل سڳدن، اوندے بعد کہیں قسم دی تبدیلی نہ تھیسی۔ وزارت دے ترجمان موجب عازمین حج ݙو جنوری توں پہلے آپݨی متعلقہ بینک وںج تے اے تبدیلیاں کرا سڳدن۔ انہاں آکھیا جو سرکاری سکیم دے عازمین حج دی ݙوجھی قسط جمع کراوݨ دی چھیکڑی تریخ 27 دسمبر ہئی جو ݙو جنوری تئیں ودھا ݙتی ڳئی اے۔
