اسلام آباد۔24جنوری (اے پی پی):وزیراعظم عمران خان آکھیے جو جنوبی پنجاب کوں نظر انداز کرتے لوکاں کوں تعلیم، صحت اتے روزگار دے برابر موقع نی ݙتے ڳئے ۔ اے ڳالھ انہاں اتوار کوں جنوبی پنجاب توں تعلق رکھݨ آلے ارکان قومی اسمبلی نال ڳالھ مہاڑ کریندے ہوئیں آکھی اے ۔ملاقات کرݨ آلیں اچ معاونِ خصوصی سیاسی امور ملک عامر ڈوگر، وہاڑی توں رکنِ قومی اسمبلی اورنگزیب خان کھچی اتے نور محمد خان بھابھا شامل ہن۔ملاقات اچ جنوبی پنجاب سیکرٹیریٹ اتے کساناں کیتے خصوصی پیکیج تے تفصیلی ڳالھ مہاڑ کیتی ڳئی ۔اورنگزیب کھچی وزیرِ اعظم کوں وہاڑی اچ کیڈٹ کالج دے قیام دی تجویز پیش کیتی۔ وزیرِ اعظم آکھیا جو جنوبی پنجاب کوں نظر انداز کرتے لوکاں کوں تعلیم، صحت اتے روزگار دے برابر موقع نی ݙتے ڳئے۔ جنوبی پنجاب سیکرٹیریٹ دے قیام دا مقصد انہاں ضلعیں تے توجہ ݙے تے انہاں کوں ترقی دے رستے تے ٹورݨاں اے ۔ وزیرِ اعظم مزید آکھیے جو کابینہ دی ذیلی کمیٹی کساناں کیتے خصوصی پیکیج دی تجاویز تیار کریندی پئی اے جیں دا اعلان ٻہوں وختی کیتا ویسی ۔
.jpg)
