فیصل آباد ۔ 04 نومبر (اے پی پی)نگران وفاقی وزیر مذہبی امور و بین المذاہب ہم آہنگی انیق احمد آکھیے کجھ خود غرض،مفاد پرست تے شیطان صفت عناصر ملک بارے منفی خبراں کھنڈیندے پئن جݙاں جو ملک دے حوالے نال منفی اطلاعات کھنڈاوݨ شیطانی عمل اے کیوں جو ایندی کوئی حقیقت کائنی تے او شیطان ہی اے جیڑھا آوݨ آلے کل توں انسان کوں ݙراوݨ چاہندے لیکن ایندے برعکس اللہ تعالی دی ذات یقین کوں پکا کریندی اے لہٰذا ایہو او یقین کامل اے تے عزم مصمم اے جیں دی وجہ توں دین دا چراغ قیامت تئیں ٻلدا رہسی ۔ او ہفتے دے ݙینھ سیرہ انسٹیٹیوٹ اینڈ ریسر چ سنٹرفیصل آباددے اہتمام نال کینال روڈ تےمنعقدہ سیرہ کانفرنس وتکمیل حفظ قرآن دی تقریب توں خطاب کریندے پئے ہن ۔ ایں موقع تے سی ای اوتے بانی سیرہ انسٹیٹیوٹ مفتی مصطفی عزیز،اساتذہ کرام، سینئرنائب صدرفیصل آباد چیمبر آف کامرس ڈاکٹر سجادارشد،نائب صدرچیمبرمحمد اسلم بھلی،والدین تے طلباسودھے ٻئی شخصیات وی موجود ہن۔
.jpg)