اسلام آباد۔10فروری(اے پی پی):صدر مملکت ڈاکٹر عارف علوی نال عالمی سطح تے پیدل سفر کرݨ آلے پاکستانی شہری کھرل زادہ کسرت رائے ملاقات کیتی۔ ایوانِ صدر دے پریس ونگ توں جاری بیان موجب صدر مملکت ایں موقع تے ڳالھ مہاڑ کریندے ہوئیں آکھیے جو ٻئے سماجی موضوعات بالخصوص بریسٹ کینسر ، پولیو اتے خصوصی لوکاں دے حوالے نال وی پیدل سفر کرتے آگاہی پیدا کرݨ دی لوڑھ اے ۔ صدر ڈاکٹر عارف علوی پیدل سفر دے ذریعے پاکستان دا مثبت تاثر اجاگر کرݨ تے کھرل زادہ کسرت رائے دی تعریف کیتی ۔ کھرل زادہ کسرت رائے پیدل سفر اچ سہولت کیتے حکومتی تعاون دی درخواست کریندے ہوئیں آکھیے جو 29 ملکاں دا دورہ کرچکیاں ، پیدل سفر کرتے مختلف سماجی مسئلیں تے آگاہی پیدا کرینداں ، امن ، انسانی حقوق اتے بین المذاہب ہم آہنگی جیہے موضوعات تے پیدل سفر کیتے۔ انہاں آکھیے سماجی موضوعات تے آگاہی کیتے ہݨ تئیں 16 ہزار کلومیٹر توں ودھ پیدل سفر کیتے۔
.jpg)