اسلام آباد – 21 فيبروري (اي پي پي) صدر ڊاڪٽر عارف علوي چيو آهي ته پاڪستان وڏي تبديلي جي دڳ تي آهي ۽ پنج سالن کانپوءِ هڪ وڏو ترقي يافته ملڪ بڻجي ويندو، تعليم جي فروغ سان غربت جو خاتمو ڪري سگهجي ٿو، طبقاتي محرومين جو خاتمو معاشرن جي ترقي ۾ اهم حيثيت رکي ٿو، گهٽ ترقي يافته طبقن جي بحالي اسان جو هدف هجڻ گهرجي. نيشنل لائيبريري اسلام آباد ۾ سول سوسائيٽي تنظيم ”ايس پي او“ جي يوم تاسيس جي تقريب کي خطاب ڪندي صدر چيو ته ماڻهن کي اميد رکڻ گهرجي ته جهڙوڪ هڪ ٻيو صنعتي انقلاب برپا ٿيڻ وڃي رهيو آهي.
