اسلام آباد۔27اپریل (اے پی پی) وزیر خارجہ سینیٹر محمد اسحاق ڈار اقتصادی سفارت کاری اتے ٻاہرلے ملکاں نال سرمایہ کاری دے تعلقات کوں ودھاوݨ دی کوششاں دی لوڑھ تے زور ݙتے۔ چھݨ چھݨ کوں دفتر خارجہ توں جاری پریس ریلیز اچ آکھیا ڳئیا جو وزیرخارجہ ہوائی اݙیاں دی آؤٹ سورسنگ کیتے ٻاہرلے ملک پاکستانی مشنز دے ذریعے کیتی ڳئی مارکیٹنگ کوں بہتر ٻݨاوݨ دی کوششاں تے تھیوݨ آلی پیش رفت دا جائزہ ڳھنݨ کیتے مشنز دے سربراہواں نال آن لائن اجلاس دی صدارت کیتی۔ سیکرٹری ایوی ایشن / ڈی جی سی اے اے ہݨ تئیں تھیوݨ آلی پیش رفت دا جائزہ پیش کیتا اتے ݙسیا جو ترکیہ، ملائیشیا، متحدہ عرب امارات، قطر، فرانس ، سپین، جرمنی، کویت، برطانیہ اتے سوئٹزرلینڈ اچ مشن دے سربراہان دی سانجھی کوششاں نال معروف ہوائی اݙہ آپریٹرز دے مفادات کوں تقویت ملی اے اتے اسلام آباد انٹرنیشنل ایئرپورٹ دی بولی اچ مثبت دلچسپی ݙکھائی اے۔
