لاہور۔8فروری(اے پی پی):الیکشن کمشنر پنجاب اعجاز انور چوہان آکھیے عام انتخابات سانڳے سکیورٹی دے فول پروف انتظامات کیتے ڳئن ، ووٹرز بغیر کہیں ݙر دے آپݨے ووٹ دا حق استعمال کریسن۔ انہاں عام انتخابات دے حوالے نال آپݨے سنھیے اچ آکھیے صوبہ پنجاب دے 144قومی اتے 297صوبائی اسمبلی دے حلقیں اچ پولنگ دا عمل جاری اے،جیڑھا جو سویلے 8توں شام 5 وڄے تئیں بلا تاخیر جاری رہسی ۔ انہاں آکھیے پنجاب دے 7کروڑ 42لکھ 90ہزار924رجسٹرڈ ووٹرزسانڳے 51ہزارپولنگ سٹیشن بݨائے ڳئن ۔انتظامیہ، پولیس اتے متعلقہ ادارے غیر جانبدارانہ انتخابات کراوݨ کوں یقینی بݨیندے پئن ،شفاف انتخابات کراو اچ کہیں قسم دی غفلت برداشت نہ کیتی ویسی انہاں آکھیے ووٹرز دی شکایتاں دے وختی ازالے سانڳے سارے کنٹرول رومز فعال ہن۔
.jpg)