اسلام آباد۔27اکتوبر (اے پی پی) نگران وزیراعظم انوارالحق کاکڑ آکھیا جو جموں تے کشمیر اچ بھارتی اقدامات اقوام متحدہ دی سلامتی کونسل دی متعلقہ قرارداداں اتے چوتھے جنیوا کنونشن دی براہ راست خلاف ورزی اے۔ بھارتی حکومت کوں 5 اگست 2019 دے ہک پاسہ اتے غیر قانونی اقدامات کوں واپس ڳھنݨا چاہیدے۔ پاکستان کشمیریاں دے ناقابل تنسیخ حق خود ارادیت کیتے انہاں دی منصفانہ جدوجہد کیتے آپݨی پوری اخلاقی، سفارتی اتے سیاسی حمایت کریندا رہسی۔ 27 اکتوبر 1947 کوں بھارت دے غیرقانونی قبضے اچ جموں تے کشمیر تے بھارت دے غاصبانہ قبضہ دی مناسبت نال کالے ݙینھ دے موقع تے سوشل میڈیا ایکس تے آپݨے ٹویٹ اچ وزیراعظم آکھیا جو اڄ جموں تے کشمیر دے وݙے حصے تے بھارت دے غاصبانہ قبضے کوں 76 سال تھی ڳئن۔ جموں تے کشمیر اچ بھارتی اقدامات اقوام متحدہ دی سلامتی کونسل دی متعلقہ قرارداداں اتے چوتھے جنیوا کنونشن دی براہ راست خلاف ورزی اے۔ پاکستان کشمیریاں دے ناقابل تنسیخ حق خود ارادیت کیتے انہاں دی منصفانہ جدوجہد کیتے آپݨی پوری اخلاقی، سفارتی اتے سیاسی حمایت کریندا رہسی۔
.jpg)