لاہور ۔18دسمبر(اے پی پی) وزیراعظم محمد شہباز شریف خیبر پختونخوا دے ضلع لکی مروت دے پولیس تھاݨہ برگئی تے دہشت گرداں دے حملے دی ودھ ساری مذمت کریندے ہوئیں آکھیے جو پولیس دے افسراں تے نینگراں دہشت گردی دے خلاف عظیم قربانیاں ݙتن ، قوم انہاں کوں سلام پیش کریندی اے ، دہشت گرد پاکستان اتے عوام دے کھلے دشمن ہن،دہشت گرداں دے خلاف قوم دی ڈھال بݨݨ آلے ساݙے ہیرو ہن ۔ اتوار کوں پی ایم آفس دے میڈیا ونگ توں جاری بیان موجب وزیراعظم ایں حملے اچ چار شہید پولیس اہلکاراں کوں خراج عقیدت پیش اتے انہاں دے خاندان نال ہمدردی دا اظہارکیتے ۔ وزیر اعظم آکھیے پولیس دے افسراں تے نینگراں دہشت گردی دے خلاف عظیم قربانیاں ݙتن، قوم انہاں کوں سلام پیش کریندی اے ، دہشت گرد پاکستان تے عوام دے کھلے دشمن ہن ۔ دہشت گرداں دے خلاف قوم دی ڈھال بݨݨ آلے ساݙے ہیرو ہن ۔انہاں آکھیے جو دہشت گرداں، انہاں دے معاونین تے سہولت کاراں دا خاتمہ اولین قومی ترجیح اے۔انہاں آکھیے خیبر پختونخوا حکومت شہید پولیس اہلکاراں دے اہل خانہ کوں شہدا پیکج ݙیوے۔وزیراعظم شہدا دے درجات دی بلندی اتے اہل خانہ کیتے صبر دی دعا کیتی ۔
.jpg)