اسلام آباد۔11اگست (اے پی پی):مختلف سیاسی جماعتاں توں تعلق رکھݨ آلے ارکان پارلیمان پاکستان کوں اللہ تعالی دی عظیم نعمت قرار ݙیندے ہوئیں آکھیے جو اللہ تعالیٰ دا شکر ادا کرݨا چاہیدے جو اڄ اساں آزاد فضاواں اچ ساہ گھندے پیوں اساں ساریں کوں سیاسی اختلافات کوں ھک پاسے رکھ تے ودھ چڑھ تے آزادی دیاں خوشیاں مناوݨیاں چاہیدن ایں عزم دا اعادہ کرݨا چاہیدے جو پاک سرزمین کوں حقیقی معنیں اچ اسلامی فلاحی ریاست بݨا تے دم گھنسوں اساکوں قیام پاکستان دے حقیقی مقصد دے حصول تے توجہ کرݨ دی لوڑھ اے ۔ اے ڳالھیں انہاں پاکستان دی ڈائمنڈ جوبلی دی مناسبت نال ”اے پی پی” نال خمیس کوں خصوصی گالھ مہاڑ کریندے ہوئیں آکھی اے پاکستان مسلم لیگ (ن) دی رکن قومی اسمبلی رومینہ خورشید آکھیے جو اللہ تعالیٰ دا شکر ادا کرݨا چاہیدے جو اساں آزاد فضاواں اچ ساہ گھندے پیوں ، انہاں پارلیمنٹ اچ ‘پاک سرزمین شاد باد’ دے عنوان توں تقریبات جاری ہن جیں اچ سارے ارکان پارلیمنٹ بھرپور انداز اچ حصہ گھندے پئن ، انہاں آکھیے اساں اے عہد کیتے جو اساں پاک سرزمین کوں حقیقی معنیں اچ فلاحی ریاست بݨا تے دم گھنسوں ۔ جماعت اسلامی دے رکن قومی اسمبلی مولانا عبدالاکبر چترالی آکھیے قیام پاکستان اساں کیتے کہیں نعمت توں وی گھٹ کائنی ، قائداعظم محمد علی جناح اتے انہاں دے رفقاء قیام پاکستان کیتے وݙیاں قربانیاں ݙتن اساں انہاں کوں بھلا نی سڳدے ، انہاں کوں خراج عقیدت پیش کریندوں ۔ انہاں آکھیے اے علامہ محمد اقبال دا خواب ہئی جیں کوں قائداعظم محمد علی جناح اتے انہاں دے ساتھیاں عملی تعبیر ݙتی تے پاکستان 14 اگست 1947ء کوں معرض وجود اچ آیا۔ انہاں آکھیے اساں کیتے خوشی دا ݙینھ اے ، پاکستان کوں وجود اچ آئے 75 سال تھی ڳئن اساکوں ݙیکھݨاں ہوسی جو اساں کیا پاتے کیا ونڄائے ؟ انہاں آکھیے قیام پاکستان دے مقاصد دے حصول تے توجہ ݙیوݨ دی لوڑھ اے ۔ جمعیت علمائے اسلام (ف) دی رکن قومی اسمبلی شاہدہ اختر علی آکھیے جو آزادی وݙی نعمت اے، پاکستان اچ ھک جمہوری نظام قائم اے جیں اچ عوام کوں اہمیت حاصل اے ۔ انہاں آکھیے اساݙے وݙیں قربانیاں ݙے تے ملک ڳھدا۔ اساں ساریں کوں سیاسی اختلافات کوں ھک پاسے رکھ تے ودھ چڑھ تے خوشیاں مناوݨیاں چاہیدن ۔
.jpg)