اسلام آباد۔26اگست(اے پی پی) وفاقی وزیرداخلہ محسن نقوی بلوچستان دے علاقے موسٰی خیل دے نیڑے دہشتگردی دے بدترین واقعے دی شدید مذمت کریندے آکھیے دہشتگرد اتے سہولت کار عبرتناک انجام توں نہ سڳسن ، دہشتگردی دی جنگ اچ سکیورٹی فورسز نال زندگی دے ہر طبقے لازوال قربانیاں ݙتن ۔ آپݨے بیان اچ وزیر داخلہ محسن نقوی 23 لوکاں دے جاں بحق تھیوݨ دے واقعے تے ݙکھ تے افسوس کیتے ۔ وزیرداخلہ دہشتگرداں دی بزدلانہ کارروائی اچ جاں بحق تھیوݨ آلیں دے لواحقین نال دلی ہمدردی تے تعزیت کیتی اے ۔ محسن نقوی آکھیے موسٰی خیل دے نیڑے دہشتگرداں نشوم لوکاں کوں نشانہ بݨا تے بربریت دا مظاہرہ کیتے، سفاکیت اتے ظلم دی انتہا کیتی ڳئی۔ انھاں آکھیے حکومت جاں بحق لوکاں دے لواحقین نال دلی ہمدردی کریندی اے تے ݙکھی خاندان دے ݙکھ اچ برابر دی شریک اے
.jpg)
