اسلام آباد۔9اکتوبر (اے پی پی) نگران وفاقی وزیر منصوبہ بندی سمیع سعید آکھیا جو سی پیک دے تحت خصوصی اقتصادی زونز تے کم تکھے تھیندا پئے۔ وزارت منصوبہ بندی توں جاری بیان موجب اے ڳالھیں انہاں پاکستان اچ چین دے سفیر جیانگ زیڈونگ نال ڳالھ مہاڑ کریندیں ہوئیں آکھی جنہاں سنوار کوں انہاں نال ملاقات کیتی۔ ایں موقع تے سیکرٹری وزارت منصوبہ بندی اویس منظور سمرا وی موجود ہن۔ نگران وزیر منصوبہ بندی چین دے سفیر کوں منصب سنبھالݨ تے مبارخ ݙتی۔ ملاقات اچ سی پیک دے تحت جاری منصوبے خصوصی طور توانائی، انفراسٹرکچر، انٹرسٹریل زونز، ایگریکلچرل اتے انفارمیشن ٹیکنالوجی اتے ٻئے معاملیاں تے ڳالھ کیتی ڳئی۔ چینی سفیر نگران وزیر منصوبہ بندی کوں بی آر آئی فورم 2023 اچ شرکت دی دعوت ݙتی۔ بی آر آئی فورم 17 ، 18 اکتوبر 2023 کوں بیجنگ اچ تھیسی۔
.jpg)
