ويانا_06 جولاءِ(اي پي پي) پيٽرول ايڪسپورٽ ڪندڙ ملڪن جي عالمي تنظيم (اوپيڪ) جو سيڪرٽري جنرل هشيم الغيض آڪٽوبر ۾ پهريون ڀيرو روس جو دورو ڪندو. ميڊيا رپورٽن موجب اوپيڪ جي سيڪرٽري جنرل پنهنجي جاري ڪيل بيان ۾ چيو آهي ته هو گادي واري شهر ماسڪو ۾ ٿيندڙ عالمي فورم رشين انرجي ويڪ ۾ شرڪت لاءِ روس جو دورو ڪندو، واضع رهي ته ماسڪو ۾ ٽن ڏينهن واري رشين انجري ويڪ 11 آڪٽوبر کان شروع ٿي رهي آهي جنهن ۾ 70 يونٽس منعقد ڪيا ويندا ۽ 270 کان وڌيڪ اڳواڻ شرڪت ڪندا.
