اسلام آباد۔10جنوری(اے پی پی)پاکستان اتے رومانیہ تجارت، سرمایہ کاری، دفاع، تعلیم، سائنس، ٹیکنالوجی اتے ثقافت سودھا مختلف شعبیاں اچ ݙو طرفہ تعاون ٻیا تکڑا کرݨ تے اتفاق کیتے۔ اے اتفاق بخارسٹ اچ وزیر خارجہ مخدوم شاہ محمود قریشی دی رومانیہ دے آپݨے ہم منصب بوگدان اوریسکو نال ملݨ ویلھے تھیا۔ ایں موقع تے رومانیہ اچ پاکستان دے سفیر ڈاکٹر ظفر اقبال وی موجود ہن۔ ملاقات اچ ݙوطرفہ تعلقات، مختلف شعبیاں اچ ڳانݙھا ودھاوݨ سودھا اہم علاقائی و عالمی امور تے الایا ڳیا۔ رومانیہ دے وزیر خارجہ بوگدان اوریسکو دورہ رومانیہ دی دعوت قبول کرݨ اتے آوݨ تے وزیر خارجہ مخدوم شاہ محمود قریشی دا شکریہ ادا کیتا۔ انہاں پاکستان اتے رومانیہ وچال ݙوطرفہ تجارت، سرمایہ کاری، دفاع، تعلیم، سائنس، ٹیکنالوجی اتے ثقافت سودھا مختلف شعبیاں اچ روابط تکڑے کڑݨ تے اتفاق کیتے، ایں سانڳے سیاسی مشاورت دا آندا دور تیکھے اسلام آباد اچ تھیسی۔
