ڪراچي – 26 – آگسٽ (اي پي پي) سنڌ جي گورنر ڪامران خان ٽيسوري سنڌ هاءِ ڪورٽ جي سينيئر جسٽس نعمت الله ڦلپوٽو کان وقتي چيف جسٽس سنڌ هاءِ ڪورٽ جي عهدي جو حلف ورتو. جاري پڌرنامي موجب حلف برداري جي سادي ۽ پروقار تقريب گورنر هائوس ۾ ٿي. تقريب ۾ سنڌ هاءِ ڪورٽ جي ججز، وڪيل برادري جي اڳواڻن سميت ٻيا پڻ شريڪ هئا. چيف جسٽس سنڌ هاءِ ڪورٽ جسٽس محمد شفيع صديقي جي موڪلن دوران سينيئر جسٽس نعمت الله ڦلپوٽو سنڌ هاءِ ڪورٽ جي وقتي چيف جسٽس طور پنهنجا فرض سرانجام ڏيندو.