اسلام آباد۔1ستمبر(اے پی پی) سپیکر قومی اسمبلی سردار ایاز صادق آکھیے سید علی گیلانی نامور، دلیر تے زیرک حریت رہنما ہن ، سید علی گیلانی دی جواں مردی اتے جرات مندانہ جدو جہد تحریک آزادی کشمیر کوں جلا بخشی ۔قومی اسمبلی سیکرٹریٹ ڈائریکٹوریٹ جنرل آف میڈیا توں جاری بیان موجب سپیکر قومی اسمبلی سید علی گیلانی دے تریجھے ورھیݨے تے جاری آپݨے سنھیے اچ سید علی گیلانی دی تحریک آزادی کشمیر سانڳے جدو جہد تے قربانیاں کوں خراج تحسین پیش کریندے آکھیے سید علی گیلانی نامور، دلیر اتے زیرک حریت رہنما ہن ۔ سپیکر قومی اسمبلی آکھیے سید علی گیلانی تحریک آزادی کشمیر سانڳے بھارتی حکومت دی زیر حراست قید و بند دیاں وݙیاں مصیبتاں برداشت کیتیاں ، تحریک آزادی کشمیر سانڳے سید علی گیلانی دیاں قربانیاں تاریخ اچ سنہری حروف اچ یاد رکھیا ویسن ،سید علی گیلانی دی جاندار آواز تحریک آزادی کشمیر کوں نویں روح پھوکی۔ اسپیکر قومی اسمبلی سردار ایاز صادق اللہ تعالیٰ توں سید علی گیلانی سودھے ٻئے شہداء کشمیر دے اُچے درجات سانڳے دعا وی کیتی۔
