لاہور۔ 5 جولائی (اے پی پی) ݙپٹی وزیراعظم / سینیٹر اسحاق ڈار آکھیے جو داتا دربار دی تزئین و آرائش دا کم تکھے جاری اے اَتے گنبد کوں اُچا کرݙتا ڳئے، مسیت وچ مدینہ منورہ طرز دیاں چھتریاں وی لاتیاں ویسن ، جیں دی باقاعدہ اجازت وزیراعلیٰ پنجاب مریم نواز ݙے ݙتی اے۔ او داتا دربار تے غسل ݙیوݨ دی تقریب توں بعد میڈیا نال ڳالھ مہاڑ کریندے پئے ہن۔اسحاق ڈار وزیراعظم شہباز شریف، صدر آصف علی زرداری، قائد مسلم لیگ (ن) نواز شریف اَتے وزیراعلیٰ مریم نواز دی ولوں داتا دربار دی تزئین و آرائش دے آغاز تے مبارخ ݙیندے آکھیا جو امید اے جو آوݨ آلے غسل توں پہلے داتا دربار دا تعمیراتی کم مکمل کر ڳِھدا ویسی۔ انہاں آکھیا جو 31 مئی 1999ء کوں ایں منصوبے دا پہلا افتتاح محمد نواز شریف کیتا ہئی، ہݨ اے منصوبہ مکمل تھیوݨ ویندا پئے۔ انہاں آکھیا جو محمد شہباز شریف ملکی ترقی کیتے ݙینھ رات محنت کریندے پئن جیں توں اساکوں بے پناہ کامیابیاں ملیاں۔بھارت نال ??نگی صورتحال ??ے ڳالھ کریندے ہوئیں ڈپٹی وزیراعظم آکھیا جو بھارت فضائی جنگ دا آغاز کیتا، لیکن پاکستان چھی طیارے مار ݙھائے۔ انہاں ݙسایا جو بھارت 36 گھنٹے وچ 80 ڈرون بھیجے جنہاں دا پاکستان مُنھ بھن جواب ݙتا، پاکستان کوں عالمی سطح تے عزت، احترام اَتے کامیابی حاصل تھئی اے۔ انہاں آکھیا جو پاکستان کوں اقوام متحدہ دی سلامتی کونسل دا ڈو سال کیتے رکن منتخب کیتا ڳئے جیڑھا جو ہک تاریخی سنگ میل اے۔ایران نال ??علقات تے ڳالھ کریندے ہوئیں اسحاق ڈار آکھیا جو پاکستان اسرائیلی دہشت گردی دے خلاف ایران دا سفارتی سطح تے ساتھ ݙتا، جیں تے ایران پاکستان کوں سچا دوست قرار ݙتا، ایرانی پارلیمنٹ وچ وی پاکستان دے حق وچ نعرے لڳئے۔ ݙپٹی وزیراعظم آکھیا جو پاکستان دا جنگی ایجنڈا کائنی ، اساں امن و سلامتی اَتے خطے دا استحکام چاہندوں ۔ انہاں دا آکھݨ ہئی جو موجودہ حکومت دا اصل ایجنڈا اقتصادی بہتری اے، جیں تے ݙینھ رات کم تھیندا پئے۔انہاں ݙسایا جو آذربائیجان نال ڈو ارب ڈالر دا معاہدہ کیتا ڳئے، مہانگ اچ گھٹکی تے اَتے شرح سود 22 فیصد توں گھٹ تھی تے 11 فیصد تے آ ڳئی اے، ترقی دا رستہ ہموار تھی چُکیے، عوام دی فی کس آمدنی وچ وی وادھا تھیسی ۔ سیاسی صورتحال ??ے ڳالھ کریندے اسحاق ڈار آکھیا جو پیپلز پارٹی کہیں وی قسم دی وزارت یا خواہش دا اظہار نی کیتا، او اتحادی جماعت اے اَتے اوکھے ویلھے ساتھیاں کوں نی چھوڑیندا ، ݙوہیں جماعتاں دا اتحاد ملک و قوم دے مفاد وچ اے۔انہاں آکھیا جو قانون اپݨا رستہ خود بݨیسی، افواہواں اَتے اسپانسرڈ خبراں توں گمراہ نئیں تھیوݨا چاھیدا، ساریاں جماعتاں دے نال ??َل تے چلݨ دی خواہش رکھیندن۔ انہاں آکھیا جو کرپشن بھاویں خیبرپختونخوا وچ ہووے یا کہیں وی صوبے وچ، اوں دا خاتمہ تھیوݨا چاھیدے۔ اسحاق ڈار آکھیا جو پاکستان ڈیفالٹ ??ے دہانے تے کھڑا ہئی، لیکن ویلھے تے فیصلے نہ ڳِھدے ویندے تاں ملک ݙیفالٹ کرویندا، ہݨ زرمبادلہ دے ذخیرے 14 ارب ڈالر تئیں پُڄ چُکن۔ انہاں آکھیا جو پاک بھارت سیز فائر قائم اے، بھارت دے بیاناں توں گھبراوݨ آلے کائںی، پہلے وی کامیاب تھیوں اڳوں وی کامیاب تھیسوں۔ انہاں آکھیا جو سعودی عرب دے نال ??ام ویزیں دے معاملے کوں بہتر کیتا ویندا پئے، ایں حوالے نال مذاکرات ست اَٹھ مہینے توں چلدے پئن اَتے درخواست اے جو بلیو پاسپورٹ ہولڈرز کوں وی خصوصی رسائی ݙتی ونڄے
.jpg)
